الجزء الأول من قصتي الجديده (الحقد قتلهم)
• انا احمد وها احكي قصتي مع ملك الجان والبير
• انا شاب طموح زي اي شاب
• بحلم بحياه سعيده وكويسه ومريحه
• كنت شغال موظف في شركه معروفه
• وبحكم خبرتي وصلت لمركز كبير فيها
• ممكن نقول اني بقيت مدير فيها بس كان سني صغير
• انا كان ليا أصحاب كتير في العمل كانو ديما بيحقدو عليا
• عشان ديما في نجاح وعلاوات وترقيات كتير
• دخلت عليهم في يوم وهما متجمعين في مكتب واحد
• سمعتهم بيفكرو ياذوني بس مش عارفين ازاي يعملوها
• انا كبرت دماغي وعديت كلامهم وقولت حقودين وانا استمر على نجاحي
• انا متجوز وعندي ولد وبنت ومراتى بتحبني وبحبها جدا
• ودا برضو كان بيسبب لواحده معانا في الشغل تعب لأنها كانت بتحبني وانا متجوزتهاش
• انا طبعا مدير ولكن على شركه من شركات كتير وطبعا في مدير اكبر مني هوا الي داير الشركات دي
• كان عندي اجتماع مع المدير المسئول عن جميع الشركات
• قاعد معاه في الاجتماع لقيته بيبصلي بصات غربيه اووي
• بعد الاجتماع وانا طالع نده عليا وقالي عاوز اقولك على حاجا
• قولتله نعم اتفضل
• قالي هوا انتا عامل في الموظفين الي عندك في الشركه ايه
• قولتله قصدك ايه انا مش فاهم
• قالي انا وصلي كلام انهم بيحقدو عليك وكرهينك جدا هناك
• قولتله يا فاندم انا بقيت مدير لشركه وانا في سن صغير وهما سنهم اكبر مني وموصلوش لربعي لازم يحقدو
• قالي تمام بس خلي بالك لان في واحد فيها كنت اعرف ان ليه عم دجال وممكن يعملك عمل أو حاجا لو حابب ارفدهملك معنديش مانع
• قولتله لا يا فاندم مش عاوز اقطع عيش حد خليهم في شغلهم
• وانا متأكد محدش ها يأذيني في حاجا ولا ها يعملو حاجا
• وسيبته ومشيت وانا ماشي كنت بفكر في كلامه
• روحت الشركه لقيتهم بيبصو لبعض اول ما دخلت
• فا سمعت واحد منهم بيقول مش لو عيشت لآخر السنه دي
• انا سمعت الكلام وسكت وقولت مش مهم يقولو الي يقولوه وكملت شغلي وروحت البيت
• انا فضلت اسبوع كامل على الحال دا من الشركه للبيت
• بس في يوم اتاخرت شويه في الشغل لقيت مراتي بترن
• ايوه في ايه قالتلي في مصيبه تعالي بسرعه حالا
• طلعت بسرعه على البيت عشان اشوف في ايه بالظبط
• انا ساكن في عماره كويسه جدا وجيراني كويسين
• بس انا اليوم دا كان فيه حاجا غلط
• دخلت العماره ملقتش البواب ونور العماره مطفي كله
• طلعت على السلم لقيت قطط عماله تيجي في وشي وتختفي
• وطلعت قصاد باب شقتي لقيت قطه قصاد الباب واول ما قربت عليها اختفت
• خبطت على الباب فتحت مراتي ولقيتها منهاره من العياط والولاد بيعيطو ويصرخو
• قولتلها في ايه مالك بتعيطي ليه ومال الولاد في ايه
• قالتلي المكان دا فيه جن يا احمد فيه جن
• قولتله جن ايه بس وقعدت اضحك على كلامها
• قالتلي انا شوفت قطط كتير في البيت وكانو ييجو قصاد الولاد واول ما كانو يقربو عليهم بيختفو
• انا شوفت كمان قطه دخلت الحمام والباب اتقفل واول ما فتح الباب ودخلت الباب اتقفل عليا وشوفت واحد جسمه ضخم واسود وجسمه كان كله نار وبيقرب عليا روحت صرخت راح النور اتقطع في البيت كله فتحت الباب وطلعت جري ورنيت عليك
• انا والولاد خايفين نقعد لوحدنا شوف لينا حل بسرعه احنا خايفين اووي
• قولتلها طيب اهدي بس وانا ها اشوف حل في الموضوع دا
• بعد شويه من قعدتي معاهم النور رجع تاني
• هديتهم ودخلت اوضتي عشان اقعد اجمع الشغل الي مطلوب مني في الشركه مهم جدا
• وكمان لو حصل اي حاجا في الشغل دا ممكن اترفد
• قعدت وتأخرت وفجأه النور قطع جيبت شمع وولعته وحطيته على المكتب
• بس كان كل ما اشتغل الشمع ينطفي
• أولعه واشتغل برضو ينطفي
• سيبته وهوا مطفي وروحت عشان اجيب كشاف
• رجعت على صوت نار روحت لقيت كل الشغل الي بعمله اتحرق
• مصيبه ومستقبلي ضاع
• طب ازاي النار دي جت دا الشمع كان مطفي
• مبقتش عارف اعمل حاجا
• وانا خارج من المكتب لقيت حد كتفني جامد اووي لدرجه اني مقدرتش احرك دماغي اشوفه
• وسمعته وهوا بيقول مستقبلك دلوقتي ضاع وبكره ها تترفد واستني لما تشوف عيلتك كلها بتتحطم قبل ما اموتك بأيدي
• وبعد كدا اتخبطت في الحيطه واتفكيت من الي كان فيا
• انا اتخضيت جدا ومبقتش قادر اتمالك اعصابي
• روحت لأولادي ومراتى لقيتهم نايمين ودخلت انا كمان انام وانا بفكر في كل الي حصل ومستني استقبل عقابي بكره
• روحت الشركه لقيت المدير العام مستني دخلت عليه سألني على الشغل قولتله اتحرق لقيته بصلي بصه كلها غضب وقالي انتا مرفود لأنك مهمل
• قعدت ابرره الي حصل وهوا مقتنعش واترفدت من شغلي
• رجعت البيت لقيت مراتي عامله مشكله كبيره مع صاحب العماره وصمم يطردنا من الشقه
• مراتي بصتلي بصه وحشه جدا وقالتلي انتا السبب في كل دا
• قولتلها انا معملتش حاجه قالتلي صاحبك جالي هنا البيت وقالي انك سبب ان الشغل يبوظ والنور يقطع في العماره وانك تعمل فينا كدا وترعبنا انا ها امشي وتطلقني
• انا قعدت في البيت ومبقتش عارف اعمل ايه حياتي اتدمرت نهائيا
• نزلت الشارع اتمشى وافكر في حل عشان اخرج من المشاكل دي
• لمحت حد بيبص عليا اووي وكأنه بيراقبني
• ولما لقاني مركز معاه لقيته بدا يبعد عني ويمشي ويهرب
• انا فضلت وراه عشان اعرف هوا مين وعاوز ايه
• لقيته مشي في مكان غريب ومفيهوش ناس ولا صوت هادي جدا
• وبعد كدا نزل في منطقه واسعه
• انا شايفه في المنطقه دي وواضح جدا قصادي
• وبعد كدا لقيته اختفى
• ازاي اختفى دا كان قصاد عيني ازاي
• ومره وحده ولقيت الدنيا ضلمت وانا في مكان مقطوع ومعييش التليفون ولا اي حاجا اعرف بيها انا فين
• سمعت حد بيتكلم فضلت ماشي ورا الصوت
• لقيتني دخلت مكان عامل زي مقام او مكان بيتعبد فيه الناس
• لقيت مكتوب فيه مقام الملك شمهروش
. وفجأة …
الجزء الثاني من قصتي الجديده ( الحقد قتلهم )
• انا شمهروش ملك الجان والشياطين
• عذبت من البشر اعداد وقتلت منهم ما لا يوصف
• حطمت ناس واذيت في ناس والدور عليك انتا
• ولقيت حد خبطني خبطه جامده اوووي وقعتني على الأرض
• بعد كدا فوقت على اني في مكان غريب اوووي ومتكتف بجنزير
• وقصادي أشكال مرعبه جدا من الجن والاشباح
• وكلهم على هيأتهم ومفيش تغيير نهائي
• وفي حد واقف في النص باين انه ملك الجان
• لقيته بيقولي عذابك مستمر بالموت البطئ ها تشوف دلوقتي جزء بسيط من عذابك
• ولقيته مره واحده راح خابط زي شاكوش على رجلي جامد اووي انا صوابع رجلي كلها اتكسرت
• قعدت اصرخ بأعلى صوت واعيط من الخوف الي انا فيه
• وهما حوالينه عمالين يضحكو وفرحانين جدا من الي بيحصل وانا رجلي بتنزف
• وبعد كدا خبط الشاكوش دا على رجلي التانيه واتكسرت صوابعي وبدأت تنزل دم وانا اصرخ وهما عمالين يضحكو
• بعد كدا خبطني بالشاكوش على دماغي مفوقتش غير وانا في المستشفى
• ومفيش حد جمبي بسأل الدكتور انا جيت هنا ازاي قالي جيت من اتصال شخص بيقول انك جسمك كله بينزف وبتموت وانتا في الشارع
• انا سكت وقعدت اعيط على الي بيحصلي دا وقولتله طب هوا مفيش حد جه ليا يشوفني
• قالي
. لا الإسعاف بس الي جابتك ومكنش فيها حد غيرك
• قولتله طب بعد أزنك انا عاوز امشي من المستشفى
• قالي تمام بس رجلك الخبطات الي كانت فيها كانت ها تكسر العظم جدا وتفتفته
• بس لحسن حظك محصلش ودا الي يخليك تقدر تمشي عليها بس متمشيش كتير لان اقل حاجا ممكن تسببلك كسر مضاعف
• شكرته ومشيت من المستشفى بالعافيه لحد ما وصلت للبيت
• قعدت وكلمت مراتي تيجي عشان تعبي دا وتجيب الاولاد بعد طبعا محايلات كتير وافقت
• اول ما دخلت لقيت وشها اتخطف كدا وبقي احمر وقالتلي هوا لسا في جن في الشقه
• قولتلها لا ليه
• قالتلي انا سامعه صوت الدش شغال في الحمام
• قولتلها لا انا قافله بايدي بعد ما خرجت
• قالتلي والله العظيم سامعه الدش شغال
• فتحت انا وهيا باب الحمام لقينا الستاره بتاعت الحمام مشدوده والدش شغال وفي حد ايده باينه من الستاره تحت الدش
• انا قربت للدش وعمال أقرب واقرب واقرب
وفجأة شديت الستاره ملقتش حد
• قفلت الدش وجيت اخرج تاني لقيت الدش اشتغل تاني برضو
• هيا صرخت وانا اترعبت وروحت رايح قافله وخرجنا بسرعه وقفلنا الباب
• لقينا الدش اشتغل تاني
• لقيتها بصتلي وقالتلي انا مستحيل اعيش في البيت دا دقيقه تاني بعد الي شوفته دا
• قولتلها مفيش غير البيت دا لاما دا لاما ها نقعد في الشارع
• قالت مفيش مشاكل اقعد في الشارع بس مشوفش الي شوفته دا النهارده
• انا تمالكت اعصابي وقولتلها استني اسبوع الأمور تهدأ وبعد كدا ها ننقل
• تاني يوم بعد الي حصل صحيت على صراخ مراتي
• قومت جري اشوف في ايه لقيت بنتي واقفه على طرف البلكونه وعاوزه تنط
. انا اترعبت وقولت لمراتي في ايه والبنت واقفه هنا ليه
. قالتلي مراتي أن بنتي جت ليها وقالت إنها عاوزه ترمي نفسها من البلكونة لكن مراتي فكرتها بتهزر لكن البنت عملتها
• فا بقولها عاوزه تنطي ليه يا حبيبتي
. قالتلي اللعبه طارت ونطت وقالتلي نطي زيي وانا عاوزه انط
• قولتلها لا مفيش لعب بتنط لو نطيتي ها تموتي ارجعي
• قالت لا ها اروح زي ما راحت اللعبه وراحت ناطه من البلكونه من الدور السابع
• انا بصيت على بنتي وانا شايفها طايره في الهوا وبتنزل على الأرض جامد وجسمها كله بيتفرتك
• قعدت اعيط وجريت عليها لتحت اشوفها وهيا كانت ماتت
• شيلتها ووديتها المدافن وبعد ما دفناها مراتي جالها حاله انهيار عصبي وطلبت الطلاق في اليوم دا وطلقتها
• لان حاله مراتي ازدادت سوء بعد الي حصل دا وكانت ها تنتحر وتقطع شرايينها لولا اننا لحقناها في آخر لحظه
• وبقيت لوحدي
. بنتي ماتت وطلقت مراتي وبعد ايام ها انام في الشارع وكمان ابني مش ها اعرف اشوفو تاني
• نزلت الشارع وماشي اكلم نفسي واقول كل دا يحصلي ليه
• ببص لقيت نفس الشخص بيبصلي بس مش بيهرب مني لا بيقرب عليا
• وبعد كدا لقيته وقف قصادي وعينيه في عنيا
• وبعد كدا لقيته اتحول لجن شكله مرعب جدا وفضل باصصلي كتير اووي
• وقالي عذابك لسا في أوله ولسا مشوفتش النهايه
• وبعد كدا اختفى ومشوفتوش تاني
• فضلت اجري في الشارع زي المجنون ادور على اي حاجا تنجدني من الي انا فيه دا
• وانا ماشي وصلت لمكان مقطوع بس كان هادي قولت دا مكان مناسب اعرف افضفض واتكلم وافكر ها اعمل ايه في إلى بيحصلي دا
• لقيت حد مسك رجلي من تحت ببص عليه لقيته الجن الي ظهر في وشي من شويه ولقيته بيضحك
• وراح ساحبني على الأرض وانا بعافر أفلت منه بس هوا كان قوي جدا ومعرفتش ابعد عنه خالص
• وفضل يشدني لحد ما وصلت لمكان اول مره في حياتي اشوفو كان جبل وفيه منحنايات وطرق سالكه وابيار كتير اووي
• ولقيته وقف عند بير وراح رافعني ورميني فيه
• وقعت في البير مدرتش بنفسي غير وانا قصاد ملك الجان والشياطين وقالي اليوم نهايتك وتصفيه دمك
• قولتله سؤال ممكن وبعد كدا اعمل فيا الي انتا عاوزه
• قالي قول طلبك الاخير قبل موتك
• قولتله انتا بتعمل فيا كدا ليه وبتعذبني بالبطئ
. قالي
. انا تم تحضيري من عم صديق ليك في العمل للقضاء على حياتك وقتلك بالبطئ
. وانا نجحت في العمل الأول وسوف افعل اخر عمل وهوا تعذيبك وقتلك بالبطئ
• وبعد كدا بدا يعذب فيا ويبهدلني لحد ما صوتي كان عالي من التعذيب
• بعد كدا لقيت الصوت هدى خالص وحد نازل في البير وشكله انسان لانه قاعد يقرأ قرآن ودخل شافني قالي اخرج بسرعه من هنا
• وراح شاددني معاه وطلعنا من البير
• قالي انتا جيت هنا ازاي هوا انتا من الناس الي بتعمل أعمال ولا بتشرب حاجا
• قولتله انتا مش شايف حالتي عامله ازاي انا كنت بموت اننا جيت انقذتني
• انا مش عارف ايه الي بيحصلي دا
• قالي انتا في حد بيكرهك او بيحقد عليك
• ممكن يكون هوا السبب في كل دا
• شوف مين الي قاصد يأذيك وحاول تصلح امورك وتبطل العمل دا وتعالي لما اخرجك من هنا
الجزء الثالث والأخير من قصتي الجديده (الحقد قتلهم)
• خرجت معاه من المكان دا
• وانا ماشي فكرت في كل حاجا حصلت وافتكرت كلام مديري لما قال عم واحد معانا دجال واكيد هوا السبب في كل الي بيحصلي
• كلمت السكرتيره المسئوله عن الموظفين بأسمائهم وعنوانهم وطلبت منها عناوين زملائي وطلعت زميلي الي عمه دجال دا منهم
• وروحت عليه البيت
• اول ما شافني ضحك وكان مبسوط اوووي من الي حصل واني تعبان كدا وحالتي صعبه
• وقالي كويس ان الي احنا عملناه أثر فيك ودمر مستقبلك زي ما دمرتنا
• قولتله انا معملتش حاجا ليكم ولا اذيتكم عشان تاذوني
• قالي انتا عملت كل حاجا وحشه معانا
• انا الي بقالي 15 سنه شغال مرمطون في الشركه عشان اترقى وميحصلش والمدير العام يرقيك انتا ويمسكك مدير لشركه من الشركات
• والبنت الي كنت بحبها من كل قلبي تسبني وتحبك انتا وبرضو متوفقش عليها وتكسر قلبها واشوفها منهاره بسببك
• وانا وكل الموظفين الي انتا خدت مكانهم عملنا خطه تحطمك وتوصلك للصفر
• وكويس ان الخطه نجحت وجيت لحد عندي مذلول كدا ومكسور
• وانا مش ها اعرف اعملك حاجا روح موت بالبطى وارجع مكان ما جيت
• قولتله انا مش ماشي من هنا غير مايكون معايا حاجتين
• اما الحل من المصيبه الي انا فيها دي
. او جثتك
• وروحت خانقه وفضلت اضرب فيه وقولتله مش ها اسيبك غير لما تشوفلي حل او تموت في أيدي
• وكان خلاص ها يموت في أيدي لحد ما قالي ها اقولك الحل روحت سايبه
• قالي الي عملك عمل وحضرلك ملك الجان عمي
• قولتله هات عنوانه دلوقتى حالا يالا
• اداني العنوان ومشيت وروحت على المكان الي قالي عليه
• دخلت المكان حرفيا كأني داخل المقابر
• المكان كله عباره عن بيوت كلها في الأعمال
• شكل المنطقه كلها شغاله في الدجل والشعوذه
• سألت على عمه وقولت اسمه لقيت الناس بتبصلي بقرف
• قالولي ملقتش غير دا تسأل عليه
• قولتلهم والله هوا سبب اذيتي ومشاكلي فا انا عاوز مكانه
• قالولي انتا ها تعرف مكانه لوحدك
• البيت الوحيد القديم وريحته وحشه هوا دا بيته
• انا فضلت ماشي عمال ابص على البيوت الي حواليه
• ومستغرب ازاي في بيوت كدا والناس عايشه هنا ازاي
• وصلت للمكان ممكن نقول مزبله مكان ريحته وحشه جدا وفي اوض واقعه ومكشوف الي وراها
• دخلت عليه لقيته شغال بيعمل الدجل بتاعه
• اول ما شافني اتخض وقالي انتا لسا عايش ازاي
• قولتله انتا اذيتني من غير ما تعرفني ولا حتى تعاشرني
• دمرتني ودمرت مستقبلي وقتلت بنتي
• اقسم بالله العظيم انا مش ها اسيبك غير لما ترجعلي كل الي ضيعتهولي
• انا مش باكي على حاجا واقدر اقتلك دلوقتي على كل الي عملته
• وكان معايا سكينه قربت عليه ورفعتها قالي انا مبخفش انا واحد بتعامل مع الجن والقتل بالنسبالي هوايه
• روحت راشق السكينه في رجله وكتمت بوقه وبدأت احركها وهوا عمال يتنفض من مكانه
• قولتله ها تشوف حل ولا ارشقهالك في رقبتك
• لقيته بيهز دماغه انه موافق يشوفلي حل
• شيلت أيدي من على بوقه وقولتله اتكلم
• قالي ملك الجن مستحيل يتراجع عن اعماله او الطلبات الي انا طلبتها منه
• قولتله يبقى خلاص اتشاهد على روحك ولا صح انتا متعرفش ربنا
• ولسا داخل بالسكين عشان اذبحه لاني خلاص مش مهم اروح في داهيه
. لقيته قالي في حل في حل
• قولتله اي هوا الحل بتاعك
• قالي نقلب السحر على الساحر
• قولتله ازاي يعني مش فاهم وضح اكتر
• قالي انا ها اغير العمل الي عملته وها احدده على حد انتا ها تختاره وبكدا ملك الجن ها يبعد عنك نهائيا وها يروح للشخص الي انتا تحدده لكن معرفش ابطل العمل نهائيا
• قولتله حلو اوووي دا خلاص ها ترجع العمل الي عملته على كل الي اذوني وأولهم ابن اخوك
• قالي الي انتا عاوزه بس متعمليش حاجا ولا تقول لحد حاجا اني عملت كدا
• قولتله عيب انا بس ها اتفرج عليهم وهما بيضيعو زي ما ضيعوني
• وروحت واقف قصاده راح عامل حجات وقال كلام وفضل ينفخ حجات لحد ما حضر ملك الجن وقاله كلام وبعد كدا قال علي أسماءهم كلها وانا طبعا كنت عارف اساميهم وبعد كدا اختفى
• انا ساعتها كنت مبسوط جدا بس مكنتش اعرف الي ها يحصل والكارثه الي ها يسببها ملك الجن
• بعد يومين سمعت خبر ان في شاب غرق بصيت على الاسم والصوره لقيته واحد منهم
• انا صراحه خوفت جدا وزعلت عليه لاني كنت قاصد ااذيهم زي ما اذوني بس مش يموتو
• بس رجعت وفكرت ان هما كانو سبب في قتل بنتي
• بس برضو مكنش ينفع اشوفهم بيموتو واحد ورا التاني انا لازم احذرهم من الي ها يحصل ليهم
• ونزلت روحت على البنت الي كانت بتحبني بيتها
• وانا كنت عارف انها بتقعد لوحدها في البيت
• وقفت قصاد الباب وخبطت عليها بس محدش فتح فضلت ارن الجرس وانادي محدش بيرد
• روحت قعدت اخبط في الباب وازق فيه عشان يتكسر واخش اشوف الي بيحصل
• سمعني بواب العماره طلع جري يشوف في ايه وشافني افتكرني حرامي بس بعد ما وضحتلو حاول هوا كمان يكسر معايا الباب لحد ما اتكسر
• دخلنا جري على الأرض نفتش شوفت دم في الحمام فتحت الباب لقيتها مرميه على الأرض ومتقطعه حتت ودمها كله سايل على الأرض
• انا والبواب اتسرعنا وخرجنا برا الشقه ورنينا على الحكومه والاسعاف وجم عشان يخدوها
• افتكرت الي عمو الدجال هوا كمان ممكن يحصلو حاجا سيبت الحكومه والناس وطلعت جري على عنوان بيته
• دخلت المنطقه لقيت ناس ملمومه على بيته
• جريت على بيته وفتحت الباب ودخلت لقيت منظر مرعب
• هوا وعيلته كلها مدبوحين ومتعلقين من رقبتهم في البيت كله والبيت مليان دم في كل حته
• ولقيت راس حد فيهم مقطوعه ومرميه على الأرض
• وحوافر ملك الجن معلمه في رقابيهم كلها
• انا اتصدمت من المنظر والخوف تمالكني
• ورجعت وخرجت من البيت وقعدت اعيط على الي احنا وصلناله دا للدرجه دي الحقد والكره يوصل لكدا
• مفكرتش في حاجه غير في الدجال الي حضر ملك الجن من الاول والسبب في كل اللعنات دي
• روحت رايح عليه لقيته قاعد ومرعوب
• قولتله مالك مش انتا الي بتحضر الجن والقتل عندك سهل خايف ليه مش ها ااذيك
• انتا لازم تشوف حل وتخلي ملك الجن يبطل كل الي بيعمله دا
• لسا بيتكلم ولقيت قرون طالعه من بطنه ومرفوع لفوق وجسمه كلو بيسيل دم
• انا قعدت اصرخ ببص لقيت ملك الجان هوا الي رافعه بقرونه ومنزلوش غير لما دمه كله اتصفي
• وبعد كدا المكان كأن في زلزال ها يحصل وبدأت الحيطان تقع
• طلعت برا المكان واول ما طلعت منه المكان كله اتهد
• والحكومه جت واخدت اقوالي والي حصل وحكيت بالتفصيل الواقعه وبعد ايام خرجت من القسم بعد استجواب طويل اووي والي نجدني المدير العام للشركه وقالهم ان كان في واحد موظف هوا السبب في كل دا
• ودا كان السبب اني طلعت من القسم وروحت بيتي
• بعد اسبوع روحت لبيت حمايا واتكلمت معاه ووضحت كل حاجا واثبتلو ان كان معمولي عمل من الموظفين عندي واقنعت زوجتي انها ترجع البيت تاني
• نزلت ادور على شغل وفضلت تلت شهور مش لاقي شغل
• وفي يوم الفون عندي رن بصيت لقيته المدير العام
• كلمني يطمن عليا وبعد كدا قالي انتا مكنتش السبب ان الأوراق والشغل يتولع فيه انتا كنت مظلوم وكان معمولك عمل من الموظفين عندك
• انا ها استناك بكره تقدم ورقك تاني عشان تمسك مكانك من جديد وها استنى منك شغل افضل من الاول والي فات ننساه والحمدلله مخسرناش حاجا
• انا سمعت الكلام وحسيت ان روحي رجعت ليا تاني قولتله طبعا يا فاندم وان شاء الله من النجمه ها تلاقيني عندك والشغل ها يبقى احسن من الاول ان شاء الله
• بعد كدا لقيت مراتي بتقولي انا عندي ليك خبر حلو
• قولتلها قولي كملي فرحتي
• قالتلي انا حامل
• قولتلها بجد يا كريم يارب
• ربنا رزقني بشغلي وبطفل بعد الي ضاع مني الحمدلله
• ودلوقتي انا بكلمكم وانا في المطار ورايح أمريكا تبع الشغل والحياه اتعدلت تاني
تمت بحمد الله
